Монголчууд Сингапурт 11 тамирчин “сойно”
“Сингапур-2010″ өсвөрийн олимпийн наадамд оролцох Монголын баг дөрвөн тамирчнаар бүл нэмэв. МҮОХ-ны албан хүсэлтийн дагуу Олон улсын усан спортын төрлүүдийн холбоо (FINA), Олон улсын хөнгөн атлетикийн холбоо (IAAF)-ноос эрэгтэй, эмэгтэй тус бүр хоёр тамирчинд “Арслан” хотыг зорих эрхийн бичиг ирүүлжээ. Ингэснээр Сингапурын усан санд Г.Өлзийбадрах (50, 100м-т өврөөр даллах сэлэлт), Э.Сүрэнням (100 м-ийн далайн гахай сэлэлт) нар уралдах бол гүйлтийн замд Ж.Хишигжаргал (100м), Э.Сарангуа (400м) хурд сорих бэлтгэлээ базааж байна. Ийнхүү Монголын баг 11-үүлээ боллоо.
