Олимпийн аваргууд 28-нд ирнэ

“Сингапур-2010″ хүүхдийн анхдугаар олимпийн аварга Б.Батцэцэг, Г.Эрдэнэболд нар 8 сарын 28-ны11 цаг 20 минутад ОМ-224 дугаарын нислэгээр Бээжин хотоор дамжин ирэх ажээ.

Хэвлэл мэдээллийн ажилтнууд, спортод хайртай нийт хүмүүсийг Чингис Хаан нисэх онгоцны буудалд аваргуудаа тосохыг уриалж байна.

“Боловсролыг эмэгтэйчүүдэд” сургалт семинар амжилттай боллоо

МҮОХ-ны “Спорт ба эмэгтэйчүүд” комиссоос “Боловсролыг эмэгтэйчүүдэд” гурван өдрийн сургалт, семинар энэ сарын 23-25-нд Олимпик Хаусд явагдаж өнгөрлөө.

Энэхүү семинарт үе үеийн спортын эмэгтэй зүтгэлтнүүд, тамирчид оролцсон. Семинарт МҮОХ-ны гишүүн Ш.Бямбасүрэн, хүндийг өргөлтийн нэрт тамирчин Н.Баярмаа, жүдогийн олон улсын А зэрэглэлийн шүүгч Д.Энхтүвшин, Монголын хүнийн нөөцийн хүрээлэн, НҮБ-ийн төлөөлөгчид ирэн лекц уншсанаас гадна семинарт оролцогчид багаар ажиллан хамтран илтгэл боловсруулж бусдадаа тайлагналаа.

Монголчуудын дархалсан хоёр алтыг О.Дөлгөөн мөнгөн медалиар чимлээ

Монголын багийн гурав дахь медаль буюу Хүүхдийн олимпийн наадмын мөнгөн медалийг жүдогийн холимог багийн тэмцээнд хүч сорьсон О.Дөлгөөн хүртлээ.

Сингапурын сониноос

Аварга бодлоо өөрчлөв

Олимпийн аварга маань түрүүчийн ярилцлагадаа алтан медалийнхаа бай шагнал 40 сая төгрөгөө аваад, “ХААН” банкиндаа хадгална гэж байснаа бас бодлоо өөрчлөв. Тэрбээр шагналын мөнгөөрөө аавдаа орон сууц авч өгөхөөр шийдсэн гэнэ. Тэднийх гэр хороололд  байдаг тул олон жил нүүрс ухсан аавыгаа охины хувьд халамжилж, тавтай амьдруулахаар дотроо бодсон бололтой. Санаа зөв бол, заяа зөв өө… Read more

“Боловсролыг эмэгтэйчүүдэд” сургалт семинар эхэллээ

МҮОХ-ны “Спорт ба эмэгтэйчүүд” комиссоос “Боловсролыг эмэгтэйчүүдэд” сэдэвт сургалт семинар хөшгөө нээлээ. Энэхүү семинарт 30 гаруй бүсгүй оролцож байгаа бөгөөд тэд ирэх гурван өдөр спорт дахь эмэгтэйчүүдийн оролцоо, боловсрол, хүйсийн тэгш эрхийн талаар ярилцаж санаа бодлоо хуваалцах юм.

Эхний өдөр ОУОХ, МҮОХ-ны Спорт ба эмэгтэйчүүд, НҮБ-ын боловсролын талаарх бодлогыг нийтэд хүргэнэ.  Харин дараагийн өдрүүдэд нь Монголын хүнийн нөөцийн хүрээлэнтэй хамтран өөрийгөө хөгжүүлэх хэрхэн хөгжүүлэх вэ, оролцогчдод зориулсан нээлттэй сэдвээр илтгэл тавих гээд онол дадлага хослуулсан сонирхолтой семинар болж байна.

Г.Эрдэнэболд Монголын гимнастикт шинэ эринг авчирлаа

Хүүхдийн анхдугаар олимпийн наадмын аварга Ганбатын Эрдэнэболдын хэрхэн гүйцэтгэлээ хийж гайхамшгийг бүтээсэн тухай видеог хүлээн авч үзнэ үү.

Тэрээр олимпийн аварга болсныхоо дараа Монголын гимнастикийн шинэ үе эхэлснийг албан ёсоор зарласан юм.

Ганбатын Эрдэнэболд олимпийн аварга боллоо

“Сингапур 2010″ хүүхдийн олимпийн анхдугаар наадамд Монголын тамирчин Ганбатын Эрдэнэболд гимнастикийн харайлтын төрөлд алтан медаль хүртэж алтан соёмбот далбаагаа Сингапурын тэнгэрт мандууллаа.

Г.Эрдэнэболд  хоёр үзүүлбэрийн нийлбэрээр 15.662 оноо авч, арын тамирчнаасаа 0.12 оноогоор илүү гарч чадсан байна. Мөнгөн медалийг Туркийн Ферхат Арикан (15.650), хүрэл медалийг Испанийн Нестор Абад (15.450) нар хүртлээ. Түүнчлэн Г.Эрдэнэболд  цагаригт дүүжингийн төрөлд мөн өрсөлдөж, тавдугаар байрт шалгарсан юм.

“Аварга баавгай” буюу “Хар алт”-ны нутагт мэндэлж, шар алтны эзэн болсон Б.Батцэцэг

Одоогоос арван долоон жилийн тэртээ уурхайчдын өлгий Налайхад Баатарзоригийн гэрт ууган охин мэндэлсэн нь өсвөр үеийнхний анхны олимпийн аварга Батцэцэг байсныг хэн гадарлах билээ дээ. “Дахан доор аварга, даахин доор морь” гэгчээр эгэл жирийн амьдралтай, гэр хорооллын энэ айлаас олимпийн аварга мэндэлж, ард түмнээ баярлуулах хувь заяа тэтгэсэн тэнгэр бурхандаа баярлахаас өөр аргагүй ээ. Read more

Сингапурын сониноос #2

Томчууд баяр хүргэв

Олимпийн хоёр дахь өдөр чөлөөт бөхийн алтан медаль хүртсэн бяцхан нядхан Баатарзоригийн Батцэцэгт хамгийн түрүүнд МҮОХ-ны тэргүүн дэд ерөнхийлөгч Д.Баясгалан, МҮОХ-ны дэд ерөнхийлөгч, Зам тээвэр, барилга хот байгуулалтын сайд Х.Баттулга нар утсаар баяр хүргэж, Эрүүл мэндийн сайд С.Ламбаа баяр хүргэсэн илгээлт хүргүүлсэн байна. Түүнчлэн “Женко” Х.Баттулгын сингапур найз нар манай 11 тамирчин хүүхдэд гарын бэлэг өгөхөөр амласан гэнэ. Read more

“Боловсролыг эмэгтэйчүүдэд” – Спорт ба эмэгтэйчүүд сургалт

2010 оны 8-р сарын 23-25

Зорилго:

Спортын салбарын боловсрол, сургалт, хүний нөөцийн бодлого нэлээн орхигдсон тул Монголын үндэсний олимпийн хорооны Спорт ба эмэгтэйчүүд комиссоос энэ чиглэлд тодорхой анхаарч, өнөөгийн нөхцөлд ажиллаж буй эмэгтэйчүүдийг сурган бэлтгэх,  удирдах түвшинд чадварлаг эмэгтэйчүүдийг төрүүлэхэд сургалтын зорилго оршино. Read more