Монголчуудын дархалсан хоёр алтыг О.Дөлгөөн мөнгөн медалиар чимлээ
Монголын багийн гурав дахь медаль буюу Хүүхдийн олимпийн наадмын мөнгөн медалийг жүдогийн холимог багийн тэмцээнд хүч сорьсон О.Дөлгөөн хүртлээ.
Энэ тэмцээнд нийт 12 баг өрсөлдөж, О.Дөлгөөний “Белград” баг эхлээд хийлж, дараа нь “Осака” багтай 4:4 тэнцсэн ч чанараар давамгайлж, 3-р тойрогт “Токио” багийг 5:3 ялж шигшээд шалгарлаа. Алтан медалийн төлөө “Эссэн” багт 2:6 хожигдож, мөнгөн медалийн эзнээр тодорлоо.
Манай жүдоч О.Дөлгөөн (66кг) нь 81 кг-ийнхантай хүч сорьж, өөрөөсөө 15 кг-аар илүү өрсөлдөгчидтэй барилдсанаас Гондурасын бөхийг дийлж, Грек, Конго улсын тамирчдад өвдөг шороодсон байна.
Сингапур 2010-ийн мөнгөн медальт олон улсын холимог багийн бүрэлдэхүүнд Монголоос гадна ОХУ, Мальта, Туркмен, Сенегал, Шинэ Зеланд, Бельги, Герман улсын үе тэнгийнхэн оржээ.
Ийнхүү Монголын багийн 2 алтын дараа, О.Дөлгөөн эх орондоо мөнгөн медаль авчирлаа.
Loading ...