Сочигийн олимпийн бэлтгэлээ “Скай ресорт”-д базаана

Засгийн газрын хэрэгжүүлэгч агентлаг Биеийн тамир, спортын газар, Монголын үндэсний олимпийн хороо, “Скай резорт” ХХК, Монголын цанын холбоо хамтран өвлийн спортыг хөгжүүлэх зорилготой “Сочи 2014” хөтөлбөрийг хэрэгжүүлэхээр болжээ. Уг хөтөлбөрийн гэрээг байгуулах арга хэмжээ өчигдөр Спортын төв ордонд болсон юм.

Ёслолын ажиллагаанд Эрүүл мэндийн сайд С.Ламбаа, БТСГын дарга Ч.Наранбаатар, МҮОХ-ны дэд ерөнхийлөгч Ц.Дамдин, “Скай резорт” ХХК-ийн гүйцэтгэх захирал А.Батсуурь, Монголын цанын холбооны ерөнхийлөгч, УИХ-ын гишүүн Р.Раш нар оролцож, гарын үсэг зурлаа.

Эмэгтэй сагсчдын муугүй эхлэл

Монголын үндэсний олимпийн хороо, Спорт ба эмэгтэйчүүд комиссоос энэ онд санаачилга гарган эмэгтэй сагсан бөмбөгийн спортыг хөгжүүлэх шат дараалсан арга хэмжээг авч, хэрэгжүүлж буй билээ. Энэ хавар улсын аварга шалгаруулах тэмцээнээ хийж, шигшээ багаа бүрдүүлсэн бүсгүйчүүд өмнөд хөршид анхныхаа тэмцээнд оролцлоо. Манай сагсчид Хятадын биеийн тамирын дээд сургуулийн шигшээ багтай тоглосон бөгөөд 70-64-ын харьцаатай хожигджээ.

Монголын эмэгтэй сагсан бөмбөгчид 1994 онд Тайландад олон улсын тэмцээнд оролцсоноос хойш анх удаа хилийн дээс алхаж буй нь энэ бөгөөд 2013 онд БНХАУ-ын Тяньжин хотод болох Зүүн Азийн наадамд оролцож, амжилт үзүүлэх зорилготой байгаа билээ.

 

Ахмад сагсан бөмбөгчдийг шагналаа

Монголын үндэсний олимпийн хорооны Ерөнхий нарийн бичгийн дарга Ж.Отгонцагаан өнөөдөр Монголын сагсан бөмбөгийн холбооны Ерөнхий нарийн бичгийн дарга Б.Дашдорж болон сагсан бөмбөгийн спортын ахмад мастеруудыг Олимпик хаусд хүлээн авч уулзлаа.

МСБХ-ны ЕНБД Б.Дашдорж сүүлийн үед хийж буй ажлаа товч танилцуулсан юм. Энэ үеэр Сагсан бөмбөгийн алтан үеийнхэн хэмээгддэг П.Бямбаа, Б.Туул, Д.Отгонцэцэг, Л.Дашзэвэг, Г.Бадамханд нарыг сагсан бөмбөгийн хөгжилд оруулсан хувь нэмриг нь үнэлж Монголын үндэсний олимпийн хорооны дурсгалын алтан медалиар тус тус шагналаа.

Монголын сагсан бөмбөгийн холбоо нь өнгөрсөн аравдугаар сард дэргэдээ ахмадын зөвлөл байгуулсан бөгөөд ахмаддаа чиглэсэн, ахмадаас туршлага судлах шат дараатай арга хэмжээг авч байгаа юм.

Монголын үндэсний олимпийн хороо Олон улсын олимпийн хороотой хамтран багийн спортыг дэмжих хөтөлбөрийн хүрээнд сагсан бөмбөгийн холбоог дэмжин ажиллаж байгаа бөгөөд 2010 оны Азийн наадамд сагсан бөмбөгийн шигшээ баг хоёр ялж, түүхэн амжилтаа тогтоосон билээ.

Иннсбрукийн олимпод оролцох багийг үдэх ёслолын ажиллагаа боллоо

Австрийн Иннсбрук хотноо 2012 оны 1-р сарын 13 – 22-нд Залуучуудын өвлийн анхдугаар олимпийн наадам зохиогдоно. Энэхүү олимпийн наадамд Монгол улсаас цанын төрөлд Д.Өсөхбаяр, тэшүүрийн төрөлд А.Энх-Ариун нар эрхээ авч оролцохоор болсон билээ. Өнөөдөр тус наадамд оролцох Монголын багийг үдэн гаргах ёслолын ажиллагаа болж, уг үйл ажиллагаанд Монголын үндэсний олимпийн хорооны ерөнхийлөгч Д.Загдсүрэн, Монгол улсын Эрүүл мэндийн сайд С.Ламбаа, Биеийн тамир спортын газрын дарга Ч.Наранбаатар нар оролцлоо. Эрүүл мэндийн сайд С.Ламбаа өсвөрийн шилдэг тамирчдад Инсбрукийн нээлтийн ажиллагаанд мандуулах төрийн алтан соёмбот далбааг гардуулахдаа Сингапурын анхдугаар зуны олимпийн наадамд оролцсон залуусынхаа амжилтыг дурдаж, тэдний амжилтыг цас, мөсөн замд үргэлжлүүлэхийг хүслээ.

Тэртээ 48 жилийн өмнө Монгол улс анх удаа олимпод оролцохдоо Инсбрукийн цас, мөсөн замд мөрөө татуулж байсан билээ.

Төв аймгийн Борнуур сумын харьяат Д.Өсөхбаяр нь спортын дэд мастер цолтой, сумынхаа сургуулийн 11-р ангид сурдаг, тав дахь жилдээ цанын спортоор хичээллэж байгаа юм. Түүний багш спортын мастер Д.Ичинхорлоо тус сумын сургуулийн биеийн тамирын багш бөгөөд аймгийн цанын шигшээ багийн дасгалжуулагчийн албыг давхар хашдаг билээ. 2010 оны улсын хошой аварга тэрбээр олимпийн наадамд оролцох эрхээ өнгөрсөн жил Эстонид болсон өсвөрийн дэлхийн аварга шалгаруулах тэмцээнээс авчээ.

15 настай А.Энх-Ариун нь нийслэлийн арван жилийн нэгдүгээр сургуулийн аравдугаар ангийн сурагч.  Гавьяат тамирчин Л.Цэнд, Г.Болд, Д.Энхбаяр нарын удирдлагад бэлтгэл сургуулилтаа хийдэг юм. Канад, Герман, Норвегид болсон цуврал тэмцээнд хурд сорьсоор Австри улс руу зорих эрхийн бичгээ өвөртөлжээ.

Австрийн Инсбрук хотноо болох өвлийн олимпийн анхдугаар наадамд 60 гаруй улсын 1050 тамирчин 15 спортын төрөлд 63 багц медалийн төлөө тэмцэлдэнэ. Инсбрук хот өмнө нь 1964, 1976 онд өвлийн олимпийн наадмыг зохион байгуулж байсан туршлагатай хот билээ.

 

МҮОХ-ны бүх гишүүдийн хурал болов

МҮОХ-ны бүх гишүүдийн хурал 12-р сарын 19-ний өглөөний 09.30-д “Олимпик Хаус”-д хуралдаж, түүнд хот, хөдөөний 92 гишүүнээс 72 (76 %) нь хүрэлцэн ирсэн байна. Хурлаар МҮОХ-ны 2011 онд гүйцэтгэсэн үйл ажиллагааны тайлан (Ерөнхийлөгч Д.Загдсүрэн), Хяналтын зөвлөлийн тайлан (Ж.Баянцагаан)-г хэлэлцэж батлав. Мөн спортын холбоодоос албан бичгээр ирүүлсэн саналыг үндэслэн, нэр бүхий зургаан гишүүнийг сонгуульт үүргээс нь чөлөөлж, шинэ зургаан гишүүнийг хуралд оролцогсод албан ёсоор баталсан байна. Бадминтоны холбооны дэд ерөнхийлөгч Ч.Бат-Эрдэнийг чөлөөлж, түүний оронд тус холбооны Ерөнхийлөгч Г.Галбаатар, Сагсан бөмбөгийн холбооны төлөөлөл Б.Дашдэлгэрийг чөлөөлж, тус холбооны ЕНБД Б.Дашдорж, Хөнгөн атлетикийн холбооны төлөөлөл Х.Рэнцэндоржийн оронд одоогийн Ерөнхий нарийн бичгийн дарга Ч.Зоригтбаатар, Бейсболын холбооны төлөөлөл Г.Норжмаагийн оронд одоогийн ЕНБД М.Сугарсүрэн, Даамны холбооны ерөнхийлөгч асан Ж.Батсуурийн оронд шинээр сонгогдсон Ерөнхийлөгч Д.Сугар, Булган аймгийн төлөөлөл агсан Баатарын оронд одоогийн “Москва” олимпийн зөвлөлийн захирал Д.Эрдэнэбилэг нарыг тус тус МҮОХ-ны гишүүнээр шинээр сонголоо. Гишүүд МҮОХ-ны үйл ажиллагааны талаар санал шүүмжлэл өрнүүлж, хурал амжилттай өрнөлөө.

11-р сарын шилдэг тамирчин П.Лхамдэгдэд шагналыг нь гардууллаа

Монголын Үндэсний Олимпийн Хорооноос тухайн сард болж өнгөрсөн тэмцээн, уралдаанд амжилт үзүүлсэн тамирчдаа алдаршуулах, сар бүр Монголын спортын ертөнцөд болсон үйл явдлыг дүгнэх зорилгоор “Сарын шилдэг тамирчин” төслийг Монголын Спортын сэтгүүлчдийн холбоо, UBS телевиз, Монголын спортын маркетингийн агентлагтай хамтран өнгөрсөн сараас эхлэн хэрэгжүүлж эхэлсэн билээ.
Өнгөрсөн сарын шалгаруулалтанд амжилтаараа манлайлсан 5 тамирчин өрсөлдөж Боксын ДАШТ-ээс хүрэл медаль хүртсэн МУГТ, Хөдөлмөрийн баатар П.Сэрдамба шилдгээр тодорсон юм.
Тэгвэл 11-р сарын шилдэг тамирчны шалгаруулалтын дүн гарч Нидерландын Амстердам хотноо болсон Жүдо бөхийн Гран При тэмцээний -78 кг-ийн жинд аваргалсан ОУХМ ПҮРЭВЖАРГАЛЫН ЛХАМДЭГД шилдэг тамирчнаар шалгарлаа.
Тэрээр нийт шалгаруулалтын 50 хувийг эзлэх онлайн санал асуулгад 3-р байрт жагсаж байсан ч МҮОХ, МССХ болон бусад байгууллагуудын төлөөллөөс бүрдсэн тусгай комиссийн дүнг нэгтгэсний дараагаар ийнхүү Сарын шилдэг тамирчнаар шалгарсан анхны эмэгтэй тамирчин болж байна.
П.Лхамдэгдээс ердөө 4хэн хувийн саналын зөрүүгээр ФИДЕ мастер Алтан-Өлзийгийн Энхтуул 2-р байрт орлоо. Бразилийн Калдас-Новас хотноо болсон шатрын 18 хүртэлх насны өсвөрийн ДАШТ-ээс хүрэл медаль хүртсэн авьяаслаг шатарчин охин маань онлайн санал асуулгыг 3 дахь өдрөөс эхлэн тэргүүлсэн боловч комиссын үр дүнг нэгтгэсний дараагаар ийнхүү 2-р байрт орсон байна.
Онлайн шалгаруулалтыг эхний өдрүүдэд тэргүүлж байсан Жүдо бөхийн ОУХМ Д.Төмөрхүлэг, сүмогийн их аварга Хакухо М.Даваажаргал болон Монгол Улсын Гарьд Н.Ганбаатар нар энэ сарын шалгаруулалтанд нэр дэвшиж, амжилттай өрсөлдлөө.
11-р сарын шилдэг тамирчин П.Лхамдэгд одоогоор Японы Токиод болсон Их дуулгын тэмцээнд оролцон эх орондоо байхгүй байгаа бөгөөд тун удахгүй шагнал болох цом, үнэ бүхий зүйлсийг гардуулах болно.
Шалгаруулалтын дэлгэрэнгүй дүн болон нэр дэвшигчдийн танилцуулга, сонгох зарчмыг хавсралтаас харна уу.
Хүндэтгэсэн:
МОНГОЛЫН ҮНДЭСНИЙ ОЛИМПИЙН ХОРОО
Шалгаруулалтын дүнг эндээс харна уу.
Комиссын дүн
Нэр
М.Даваажаргал
Н.Ганбаатар
П.Лхамдэгд
Д.Төмөрхүлэг
А.Энхтуул
МҮОХ
Тийм
МССХ
Тийм
Спортнтьюс
Тийм
UBS
Тийм
Олимпийн медальтан
Тийм
Онлайн шалгаруулалтын дүн
1. А.Энхтуул – 32 хувь /203 санал/
2. Д.Төмөрхүлэг – 27 хувь /174 санал/
3. П.Лхамдэгд – 16 хувь /103 санал/
4. М.Даваажаргал – 16 хувь /103 санал/
5. Н.Ганбаатар – 9 хувь /54 санал/
Нийт дүн:
1. П.Лхамдэгд – 16 хувь + 30 хувь = 46 хувь
2. А.Энхтуул – 32 хувь + 10 хувь = 42 хувь
3. Д.Төмөрхүлэг – 27 хувь + 10 хувь = 37 хувь
4. М.Даваажаргал – 16 хувь
5. Н.Ганбаатар – 9 хувь
Арваннэгдүгээр сарын Монголын шилдэг тамирчинд нэр дэвшигчид
ОУХМ Даваадоржийн Төмөрхүлэг – Нидерландын Амстердам хотноо болсон жүдо бөхийн гран-при тэмцээний эрэгтэйчүүдийн 60 кг-ийн жинд алтан медаль хүртсэн.
ОУХМ Пүрэвжаргалын Лхамдэгд – Нидерландын Амстердам хотноо болсон жүдо бөхийн гран-при тэмцээний эмэгтэйчүүдийн -78 кг-ийн жинд алтан медаль хүртсэн.
Ёкозүна Хакухо Мөнхбатын Даваажаргал: Мэргэжлийн сүмогийн Кюүюү башѐд 14 даваа 1 унаатай түрүүлэн дээд зиндаанд 21 дэх удаагаа түрүүлсэн.
Монгол улсын гарьд Нямдоржийн Ганбаатар: Бүгд Найрамдах улс тунхагласны 87 жилийн ойд зориулсан 256 бөх зодоглосон үндэсний бөхийн барилдаанд 8 давж түрүүлсэн.
Шатрын ФИДЕ Мастер Алтан-Өлзийгийн Энхтуул: Бразилын Калдас-Новас хотноо болсон шатрын өсвөрийн дэлхийн аварга шалгаруулах тэмцээнээс 18 насны ангилалд хүрэл медаль хүртсэн.
Дахин сануулахад Сар бүрийн шилдэг тамирчид ирэх сарын эхний долоо хоногт тодрох бөгөөд шилдгийг дараах зарчмаар тодруулдаг
1. Онлайн санал асуулга (Вэб хуудас, бусад онлайн хэрэгслээр санал авах) – нийт саналын 50 хувь
2. Сарын шилдгийг дүгнэх комисс (Хамтрагч байгууллага бүрээс нэг нэг төлөөлөгч) – нийт саналын 50 хувь

“Бөртэ Чоно 2011″-ын эзэд тодорлоо

Монголын Үндэсний Олимпийн Хорооны тэргүүн дээд шагнал гардуулах “Бөртэ чоно” ёслол 2011 оны арванхоёрдугаар сарын 19-нд Улаанбаатар хотноо боллоо. Уламжлал ёсоор Монголын Спортын Сэтгүүлчдийн Холбоо (MSPU)-ны гишүүн, спортын сэдвээр дагнан ажилладаг сурвалжлагч, хэвлэл мэдээллийнхний саналаар оны шилдэг ТАМИРЧИН, оны шилдэг БАГ, оны шилдэг ДАСГАЛЖУУЛАГЧ-ийн нэр тодорсон юм. Санал асуулгад энэ удаа нийт 74 спортын сэтгүүлч оролцсон болно.

Дэлхий, тивийн аварга шалгаруулах олон тэмцээн ар араасаа цувж, медалийн ургац арвинтай 2011 оны хувьд шилдгүүдээс онцолж тодруулах амаргүй бөгөөд ариун сонголтод спортын сэтгүүлчид гадны нөлөөнд үл автан, шударга зарчмыг ягштал баримтлан, оюун ухаанаа хурцлан дайчилж, мэргэжлийн өндөр ур чадвараа илтгэн харуулж, жинхэнэ хурднаас хурдан ялагч, өндрөөс өндөр амжилттай, хүчтэнээс хүчтэйг нь сонгосонд дахин талархаж байна. Ингээд санал асуулгын дүнг та бүхэнд толилуулья: (Хавсралтад сэтгүүлч нэг бүрийн саналыг оруулав)

Тамирчин

1. П.Сэрдамба (бокс) 510 оноо

2. О.Насанбурмаа (эмэгтэй чөлөөт бөх) 363

3. Д.Отгонцэцэг (эмэгтэй чөлөөт бөх) 330

4. Б.Сэр-Од (хөнгөн атлетик) 302

5. Б.Гангаамаа (уулын спорт) 228

6. П.Лхамдэгд (жүдо) 203

7. М.Бундмаа (жүдо) 202

8. С.Мөнхбат (үндэсний бөх) 193

9. Б.Оюунсүрэн (эмэгтэй чөлөөт бөх) 184

10. У.Мөнх-Эрдэнэ (бокс) 176

11. Х.Цагаанбаатар (жүдо) 143

12. Эмэгтэй чөлөөт бөхийн ҮШБ 137

13. О.Гүндэгмаа (буудлага) 121

14. Б.Мөнгөнтуул (шатар) 111

15. Б.Урантунгалаг (байт харваа) 78

16. Ж.Чулуунбат (чөлөөт бөх) 63

17. Л.Отгонбаяр (хөнгөн атлетик) 44

18. Ж.Гантөгс (байт харваа) 41

19. Ч.Санжаадамба (үндэсний бөх) 36

20. Б.Гэрэлт-Од (цанын зүг чиг олох) 32

21. С.Билгүүн (шатар) 6

22. Ө.Төрбаяр (кикбокс) 4

23. Д.Отгондалай (бокс) 3

- Э.Аззаяа, Б.Ану, Б.Дамланпүрэв, Н.Түвшинбаяр нар оноо авсангүй

Баг

1. Бэндийн үндэсний шигшээ баг 15 санал

2. Софт теннисний эрэгтэйчүүдийн баг 7

3. Хөлбөмбөгийн үндэсний шигшээ баг 6

4. Урт бууны эрэгтэйчүүдийн баг 5

5. Хоккейн үндэсний шигшээ баг 1

Дасгалжуулагч

1. Т.Сүхбаатар (эмэгтэй чөлөөт бөх) 117 оноо

2. Д.Ганзориг (бокс) 60

3. Ц.Бадамхатан (байт харваа) 42

4. Ц.Баярсайхан (чөлөөт бөх) 31

5. О.Оюунтуяа (хөнгөн атлетик) 28

6. Ч.Насантогтох (жүдо) 27

7. Д.Эрдэнэсайхан (софт теннис) 22

8. Л.Ундралбат (буудлага) 20

9. А.Цэдэнсодном (чөлөөт бөх) 14

10. Ш.Цэвэлмаа (жүдо) 10

11. Б.Доржпалам (бэнди) 5

12. Ж.Дашдэлгэр (цана) 4

13. Ж.Баярсайхан (самбо) 3

Олимпийн зөвлөлийн удирдах ажилтнууд зөвлөлдлөө

Аймаг, дүүргийн олимпийн зөвлөлийн удирдах ажилтын зөвлөгөөн, семинар 12 сарын 18-нд Монголын үндэсний олимпийн хорооны байранд болж өнгөрлөө. Уг зөвлөгөөнд МҮОХ-ны Ерөнхийлөгч Д.Загдсүрэн, гүйцэтгэх зөвлөлийн гишүүн, Ардын эмч Ж.Хатанбаатар, ОУОХ-ны хүндэт гишүүн Ш.Магван болон Монгол улсын өнцөг, булан бүрээс ирсэн олимпийн зөвлөлийн удирдах ажилтнууд оролцлоо. МҮОХ-ны Ерөнхийлөгч Д.Загдсүрэн 2012 онд МҮОХ-ноос хэрэгжүүлэх төсөл хөтөлбөрийн талаар, гүйцэтгэх зөвлөлийн гишүүн Ж.Хатанбаатар “Зөв амьдарч, ажиллах тухай”, ОУОХ-ны хүндэт гишүүн Ш.Магван “Олимпийн хөдөлгөөний өнөөгийн чиг хандлага”-ын тухай илтгэл тавилаа. Олимп судлалын төвийн захирал Ж.Баасанхүү 2011 онд хийсэн ажлын тайлангаа тавьж, Говьсүмбэр аймгийн “Антверпен” олимпийн зөвлөлийн дарга Л.Цэдэнсодном, Баянзүрх дүүргийн 33-р сургуулийн “Москва” олимпийн танхимын захирал З.Янжмаа нар олимпизмийг сурталчилж, олимпийн хөдөлгөөнийг бусдад таниулж буй арга туршлагаа бусадтайгаа хуваалцсан юм.
Уг зөвлөгөөний үеэр 2011 оны шилдэг олимпийн зөвлөл, танхимуудыг шалгарууллаа. 2011 оны шилдэг олимпийн зөвлөлөөр Баянзүрх дүүргийн “Нагано” олимпийн зөвлөл (дарга Ч.Төмөрчөдөр, арга зүйч С.Тунгалаг), Ховд аймгийн “Мельбурн” олимпийн зөвлөл (дарга Д. Энхболд, арга зүйч Б.Энхтайван), Говь-Алтай аймгийн “Лос Анжелес” олимпийн зөвлөл (дарга Ж.Уранчимэг, арга зүйч Ц.Занданбал), Архангай аймгийн “Мехико” олимпийн зөвлөл (дарга Ц.Нэргүйбаатар, арга зүйч Б.Амарзаяа), Өмнөговь аймгийн “Афин” олимпийн зөвлөл (дарга С.Түвшинбаяр, арга зүйч Б.Батсайхан) нар тус тус шалгарлаа. Харин шилдэг олимпийн танхимаар Хөвсгөл аймгийн Эрдмийн далай цогцолбор сургуулийн “Одод” олимпийн танхим тодорчээ. Маргааш “Бөртэ Чоно 2011” оны тэргүүн шалгаруулах ёслолын ажиллагааны үеэр шилдгийн шилдэг олимпийн зөвлөл, танхимыг тодруулах болно.

Монголын үндэсний олимпийн хороо нь олимпизмийг түгээн дэлгэрүүлэх үүрэгтэй байгууллагын хувьд 2002 оноос эхлэн үндэсний хэмжээнд өөрийн салбар зөвлөлийг байгуулахаар зорьж, өдгөө улсын бүх аймаг, дүүрэгт нэгэнтээ байгуулагджээ. Түүнчлэн салбар зөвлөлүүдээрээ дамжуулан улсын хэмжээний бүх арван жилийн сургуулиудад нийт 700 гаруй олимпийн танхимыг байгуулан ажиллаж байна. Сүүлийн үед их, дээд сургуулиуд, цэргийн ангиудад олимпийн танхимыг ихээр байгуулж байгаа билээ.

“Бөртэ чоно-2011” – Оны шилдэгт нэр дэвшигчид

2011 оны спортын шилдгүүдийг тодруулах торгон мөч хаяанд ирлээ. Монголын Үндэсний Олимпийн Хорооны тэргүүн дээд шагнал гардуулах “Бөртэ чоно” ёслол 2011 оны арванхоёрдугаар сарын 19-нд Улаанбаатар хотноо болж, улс орон даяар шууд цацагдах гэж байна. Энэ жил уламжлал ёсоор спортын амжилт, ажил үйлсээрээ тэргүүлсэн шилдгийн шилдэг тамирчин, дас галжуулагч, баг, залуу тамирчин, спортын холбоод, олимпийн зөвлөл, танхимыг шалгаруулан шагнах юм.

Монголын Спортын Сэтгүүлчдийн Холбоо (MSPU)-ны гишүүн, спортын сэдвээр дагнан ажилладаг сурвалжлагч, хэвлэл мэдээллийнхэн та бүхний саналаар оны шилдэг ТАМИРЧИН, оны шилдэг БАГ, оны шилдэг ДАСГАЛЖУУЛАГЧ-ийн нэр тодрох юм.

Нэр дэвшигчид

Tамирчин, баг

-Энхбатын Аззаяа-самбо. ДАШТ-ий мөнгөн медальт
-Баярын Ану-шатар. Сонирхогчдын ДАШТ-ий алтан медальт
-Сумьяагийн Билгүүн-шатар. Сонирхогчдын ДАШТ-ий алтан медальт, Дубайн өсвөр үеийн ОУТ-ий аварга
-Мөнхбаатарын Бундмаа -жүдо. Их дуулга тэмцээний хошой аварга, Masters-ийн хүрэл, Азийн АШТ-ий мөнгөн медальт, Дэлхийн цомын аварга, дэлхийд чансаагаараа 3-рт яваа
-Бэндийн шигшээ баг. Монгол Улсын түүхэнд анх удаа Азийн өвлийн спортын VII наадмаас мөнгөн медаль хүртсэн
-Бадамгаравын Гангаамаа -уулын спорт. Дэлхийн зулай Эверестийн ноён оргилд амжилттай авирсан Монголын анхны эмэгтэй уулчин
-Жанцангийн Гантөгс-байт харваа. Дэлхийн аварга шалгаруулах тэмцээн болон Дэлхийн цомын шагналт, дэлхийд чансаагаараа 13-рт яваа, Лондон-2012 олимпийн эрхээ биелүүлсэн
-Отрядын Гүндэгмаа -буудлага. Дэлхийн цомын мөнгөн медальт, Гранпри тэмцээний хошой аварга, дэлхийд чансаагаараа 8-рт яваа, Лондон-2012 олимпийн эрхээ биелүүлсэн
-Баяраагийн Гэрэлт-Од-цанын зүг чиг олох төрөл. Азийн өвлийн спортын VII наадмаас гурван хүрэл медаль хүртсэн
-Баасанхүүгийн Дамланпүрэв-байлдааны самбо. ДАШТ-ий мөнгөн медальт
-Пүрэвжаргалын Лхамдэгд-жүдо. Ази тивийн аварга, IJF-ийн гранпри тэмцээний хошой аварга, Дэлхийн цомын хошой аварга, дэлхийд чансаагаараа 7-рт яваа
-Сүхбаатарын Мөнхбат-үндэсний бөх. Үндэсний их баяр наадамд 1024 бөхөөс түрүүлэн улсын аварга цол хүртэж, 6002 бөхийн барилдаанд үзүүрлэсэн
-Батхуягийн Мөнгөнтуул-шатар. Moscow Open ОУТ-ий аварга, Универсиад наадмын мөнгөн медальт, FIDE-гийн гранпри тэмцээний гурван цувралд оролцсон, оргил чансаандаа (2467) хүрсэн
-Уранчимэгийн Мөнх-Эрдэнэ-бокс. Дэлхийн аварга шалгаруулах тэмцээний V байрын шагналт, Ази тивийн аварга, Ф.Штаммын ОУТ-ий мөнгөн медальт, Лондон-2012 олимпийн эрхээ биелүүлсэн
-Очирбатын Насанбурмаа -эмэгтэй чөлөөт бөх. Дэлхийн аварга шалгаруулах тэмцээний хүрэл, Алтан гранпри тэмцээний хүрэл медальт, Лондон-2012 олимпийн эрхээ биелүүлсэн
-Лувсанлхүндэгийн Отгонбаяр-хөнгөн атлетик. Прагийн марафоны байрын VIII байрын шагналт, Бээжингийн хагас марафоны аварга, цагдаагийн ДАШТ-ий алтан медальт, хагас марафонд улсын дээд амжилтыг шинэчилж, Лондон-2012 олимпийн эрхээ биелүүлсэн
-Доржнямбуугийн Отгондалай-бокс. Азийн АШТ-ий мөнгөн медальт
-Даваасүхийн Отгонцэцэг-эмэгтэй чөлөөт бөх. Дэлхийн аварга шалгаруулах тэмцээний мөнгө, Азийн АШТ-ий мөнгөн медальт, Алтан гранпри тэмцээний аварга, Дэлхийн цомын III байрт шалгарсан
-Банзрагчийн Оюунсүрэн-эмэгтэй чөлөөт бөх. Дэлхийн аварга шалгаруулах тэмцээний мөнгөн медальт
-Чимэдрэгзэнгийн Санжаадамба-үндэсний бөх. Үндэсний их баяр наадамд 7 даван улсын заан цол хүртэж, 6002 бөхийн барилдаанд түрүүлсэн
-Софт теннисний эрэгтэй баг. Дэлхийн аварга шалгаруулах тэмцээний хүрэл медальт
-Пүрэвдоржийн Сэрдамба-бокс. Дэлхийн аварга шалгаруулах тэмцээний хүрэл медальт, Лондон-2012 олимпийн эрхээ биелүүлсэн
-Бат-Очирын Сэр-Од-хөнгөн атлетик. Лондонгийн марафоны IX, Бээжингийн марафоны VI байрын шагналт, Дэлхийн болон Азийн АШТ-д амжилттай оролцсон, марафон болон 5000 метрийн зайд улсын дээд амжилтыг шинэчилж, Лондон-2012 олимпийн эрхээ биелүүлсэн
-Өлзийбатын Төрбаяр-кикбокс. Дэлхийн аварга, дэлхийн шигшээ багт уригдсан
-Найдангийн Түвшинбаяр-жүдо. Их дуулга тэмцээний мөнгө, IJF-ийн гранпри тэмцээний хүрэл, Азийн АШТ-ий хүрэл медальт, Дэлхийн цомын аварга, дэлхийд чансаагаараа 14-рт яваа
-Эрэгтэй урт бууны баг-буудлага. Универсиад наадмын мөнгө, цагдаагийн дэлхийн наадмын алтан медальт, улсын дээд амжилтыг шинэчилсэн
-Бишиндээгийн Урантунгалаг-байт харваа. Дэлхийн цомын шагналт, дэлхийд чансаагаараа 10-рт яваа, Азийн АШТ-ий мөнгө, Азийн цомын алтан медальт, Лондон-2012 олимпийн эрхээ биелүүлсэн
-Хоккейн үндэсний шигшээ баг. Азийн өвлийн спортын VII наадамд гурван тоглолтод хожсон
-Хөлбөмбөгийн үндэс ний шигшээ баг. ДАШТ-ий урьдчилсан тоглолтод анхны ялалтаа байгуулсан
-Хашбаатарын Цагаанбаатар-жүдо. Masters-ийн аварга, IJF-ийн гранпри тэмцээний хүрэл, Азийн АШТ-ий мөнгөн медальт, Дэлхийн цомын хошой аварга, дэлхийд чансаагаараа 2-рт яваа
-Чөлөөт бөхийн эмэгтэйчүүдийн шигшээ баг. Дэлхийн АШТ-ээс 2 мөнгө, 1 хүрэл медаль хүртэн багаараа III байрт шалгарсан, Азийн АШТ-ээс 3 мөнгө, 3 хүрэл медаль хүртэн багаараа III байрт шалгарсан, Дэлхийн цомын V байрын шагналт
-Жаргалсайханы Чулуунбат-чөлөөт бөх. Дэлхийн АШТ-ий V байрын шагналт, Азийн АШТ-ий хүрэл медальт, Лондон-2012 олимпийн эрхээ биелүүлсэн

ДАСГАЛЖУУЛАГЧ

-Цогтын Бадамамхатан. Байт харвааны ҮШБ-ийн ахлах дасгалжуулагч
-Цэндийн Баярсасайхан. Чөлөөт бөхийн ҮШБ-ийн дасгалжуулагч (Д.Отгонцэцэгийн багш)
-Жамсрангийн Баярсайхан. Самбо бөхийн улсын шигшээ багийн ахлах дасгалжуулагч
-Дашзэвэгийн Ганзориг. Боксын ҮШБ-ийн ахлах дасгалжуулагч
-Жалсрайн Дашдэлгэр. Цанын ҮШБ-ийн дасгалжуулагч
-Чимэдбазарын Насантогтох. ҮШБ-ийн албаны улсын дасгалжуулагч (М.Бундмаа, Х.Цагаанбаатарын багш)
-Одонсүрэнгийн Оюунтуяа. Хөнгөн атлетикийн дасгалжуулагч (Б.Сэр-Одын багш)
-Түмэндэмбэрэлийн Сүхбаатар. Чөлөөт бөхийн ҮШБ-ийн дасгалжуулагч (Б.Оюунсүрэн, О.Насанбурмаагийн багш)
-Лхагвын Ундралбат. Буудлагын ҮШБ-ийн ахлах дасгалжуулагч
-Шархүүгийн Цэвэлмаа . Жүдо бөх. “Женко” клубийн дасгалжуулагч (П.Лхамдэгдийн багш)
-Арслангийн Цэдэнсосодном . Чөлөөт бөхийн ҮШБ-ийн ахлах дасгалжуулагч
-Дамдинбазарын Эрдэнэсайхан. Софт теннисний шигшээ багийн дасгалжуулагч
-Баасангийн Доржпалам . Бэндийн шигшээ багийн дасгалжуулагч

48 жилийн дараа Инсбрукийн олимп руу

“Инсбрук-2012” залуучуудын өвлийн анхдугаар олимпийн наадамд оролцох хоёр дахь эрхийг тэшүүрчин охин эх орондоо авчирлаа. 15 настай Алтантулгын Энх-Ариун Канад, Герман, Норвегид болсон цуврал тэмцээнд хурд сорьсоор Австри улс руу зорих эрхийн бичгээ өвөртөлжээ. Нийслэлийн I сургуулийн аравдугаар ангийн сурагч, өсвөр үеийнхний тэшүүрийн улсын аварга, рекордч А.Энх-Ариуныг гавьяат тамирчин Л.Цэнд, Г.Болд, Д.Энхбаяр нар дасгалжуулсан байна.

Ариунаа охин өмнө нь “олимп”- од оролцож байсан туршлагатай нэгэн бөгөөд 2010 онд БНСУ-д өндөрлөсөн дэлхийн математикийн олимпиадад тархиа сорьсон удаатай. Ийнхүү 2012 оны нэгдүгээр сарын 13-22-нд Австри улсын Тироль мужийн Инсбрук хотноо болох залуучуудын өвлийн олимпод Төв аймгийн цаначин хүү Д.Өсөхбаяр, тэшүүрчин охин А.Энх-Ариун нар эх орноо төлөөлөн оролцох боллоо.

Дашрамд сонирхуулахад Монгол Улс түүхэндээ анх удаа 1964 оны нэгдүгээр сарын 29-нөөс хоёрдугаар сарын 9-нд энэхүү хотноо болсон өвлийн IX олимпод оролцсон түүхтэй.