Чөлөөт бөхийн насанд хүрэгчдийн Ази тивийн аварга шалгаруулах тэмцээнд оролцох Монголын багийн бүрэлдэхүүн тодорлоо.

Эрэгтэй

55 кг                           Спортын мастер Эрдэнэбатын Бэхбаяр /“Ирээдүй” цогцолбор

сургууль/

60 кг                           Спортын мастер Банзрагчийн Баянмөнх /”Олимп” сургууль/

66 кг                           Залуу бөх Батсүхийн Мянганбаяр /“Арслан-клуб/

74 кг                           Олон улсын хэмжээний мастер Доржваанчигийн Гомбодорж

/“Хүч” спорт хороо, Ази тивийн аварга шалгаруулах

тэмцээний хүрэл медальт/

84 кг                           Спортын мастер Мягмарсүрэнгийн Батмөнх /”Хасу-Мегаватт” клуб/

96 кг                           Спортын мастер Доржхандын Хүдэрбулга /“Аврага” БТДС/

120 кг                         Олон улсын хэмжээний мастер Жаргалсайханы Чулуунбат   /“Сүлд” спорт хороо, Ази тивийн аварга шалгаруулах  тэмцээний 3 хүрэл медальт /

Эмэгтэй

48 кг                           Спортын мастер Эрдэнэсүхийн Нарангэрэл /“Хангарьд” клуб/

51 кг                           Олон улсын хэмжээний мастер Баярмагнайгийн Даваасүрэн

/”Хангарьд” клуб, залуучуудын ДАШТ-ний мөнгөн медальт/

55 кг                           Спортын мастер Эрдэнэчимэгийн Сумьяа /”Хилчин” спорт

хороо/

59 кг                           Спортын мастер Энхбаярын Цэвэгмид /“Алдар” спорт хороо/

63 кг                           Олон улсын хэмжээний мастер Шархүүгийн Түмэнцэцэг

/“Хилчин” спорт хороо, Ази тивийн аварга шалгаруулах

тэмцээний хүрэл медальт /

67 кг                           Олон улсын хэмжээний мастер Цэрэндоржийн Баярзаяа

/“Хасу Мегаватт” клуб, Ази тивийн аварга шалгаруулах

тэмцээний мөнгөн, хүрэл медальт /

72 кг                           Олон улсын хэмжээний мастер Бадрахын Одончимэг /”Алдар”

спорт хороо, ДАШТ-ний хүрэл медальт, Ази тивийн аварга

шалгаруулах тэмцээний мөнгө, 4 хүрэл медальт /

Дасгалжуулагчид

Арслангийн Цэдэнсодном   Үндэсний шигшээ багийн ахлах дасгалжуулагч,

Гавьяат дасгалжуулагч, Ази тивийн аварга

шалгаруулах тэмцээний мөнгөн медальт

Бямбаринчингийн Баяраа    Үндэсний шигшээ багийн дасгалжуулагч

Буяндэлгэрийн Батбаяр        Залуучуудын шигшээ багийн дасгалжуулагч, Ази

тивийн аварга шалгаруулах тэмцээний мөнгөн медальт

Шүүгч

 

Лувсан-Ишийн Болормаа    Олон улсын нэгдүгээр зэрэглэлийн шүүгч

 

Насанд хүрэгчдийн

Ази тивийн аварга шалгаруулах тэмцээний тухай

 

Насанд хүрэгчдийн Ази тивийн аварга шалгаруулах тэмцээн гурван төрлөөр 2012 оны хоёрдугаар сарын  16-19-ний өдрүүдэд БНСУ-ын Гуми хотод болно.

Ази тивийн эрэгтэй чөлөөт бөхийн ХХҮ дахь, эмэгтэй чөлөөт бөхийн ХҮ дахь аварга шалгаруулах тэмцээн 3 дэвжээн дээр явагдана. Урьд нь Ази тивийн эрэгтэй чөлөөт бөхийн аварга шалгаруулах тэмцээн 2008 онд, эмэгтэй чөлөөт бөхийн аварга шалгаруулах тэмцээн 2000 онд БНСУ-д болж байжээ.

Энэ тэмцээнд олон улсын нэгдүгээр, хоёрдугаар, гуравдугаар зэрэгтэй шүүгчид ажиллана.

Албан ёсны төлөөлөгчдийн 1 хоногийн зардал 130 евро, албан бус төлөөлөгчийн 1 хоногийн зардал 170 евро, тэмцээний хураамж 100 евро болно.

Насанд хүрэгчдийн Ази тивийн аварга шалгаруулах тэмцээний чөлөөт бөхийн төрөлд манай эрэгтэйчүүд бөхчүүд 23 алт, 25 мөнгө, 31 хүрэл медаль нийтдээ 79 медаль, манай эмэгтэй бөхчүүд 3 алт, 15 мөнгө, 23 хүрэл медаль нийтдээ 41 медаль, бүгд 120 медаль хүртээд байна.

А.Энх-Ариуны тэмцээн дууслаа

Инсбрук-2012 залуучуудын олимпийн анхдугаар наадамд эх орноо төлөөлөн тэшүүрийн төрөлд оролцож буй А.Энх-Ариун охин өчигдөр бөөн гараатай уралдаанд уралдсанаар Монголчуудын хувьд оролцох бүх тэмцээндээ оролцож дууслаа. Энэхүү уралдаанд 26 тамирчин хурдаа сорьсноос манай тамирчин 6:38,07 мин амжилтаар 20-р байранд оржээ. Энэ төрөлд Недерландын тамирчин Саннеке де Нилин 6:01,06 амжилтаар алт, БНСУ-ын Су Жи Жан 6:01,13 мин амжилтаар мөнгө, Японы Симуре Кикучи 6:01,24 мин амжилтаар хүрэл медаль тус тус хүртжээ. Өвлийн залуучуудын анхдугаар олимпийн хаалтын ажиллагаа маргааш болно.

Наадмын тухай бусад мэдээлэл: www.innsbruck2012.com

МҮОХ-ны вэб хуудас: www.olympic.mn

Монголын багийн фото цомог: http://www.facebook.com/media/set/?set=a.10150527979611768.398656.375064866767&type=1

Монголын үндэсний олимпийн хорооны фото цомог: http://www.facebook.com/olympicMongolia

Д.Өсөхбаяр спринтийн төрөлд уралдлаа

Монголын багийн Залуучуудын олимпийн цанын тэмцээн өчигдөр болж өнгөрлөө. Эрэгтэйчүүдийн гүйлтийн цанын спринт буюу ойрын зайн (1 км) төрөлд манай тамирчин Д.Өсөхбаяр уралдлаа. Энэхүү уралдаанд 50 тамирчин өрсөлдсөнөөс манай тамирчин 2:09,87 амжилт үзүүлснээр 48-р байранд оржээ. Түүний ард Иран, Македоны цаначид орсон байна. Энэ төрөлд Андреас Молден (Норвеги), Мариус Кебулла (Герман), Александр Селянинов (ОХУ) нар алт, мөнгө, хүрэл медалийн эзэд болж шагналын тавцан дээр гишгэлээ.

Эрэгтэй спринт, уралдааны дүн

Наадмын тухай бусад мэдээлэл: www.innsbruck2012.com

Монголын багийн фото цомог: http://www.facebook.com/media/set/?set=a.10150527979611768.398656.375064866767&type=1

Монголын үндэсний олимпийн хорооны фото цомог: http://www.facebook.com/olympicMongolia

Цаныг цаначдад

Өнөөдөр Монголын үндэсний олимпийн хороо , цанын холбоотой байгуулсан гэрээний дагуу Булган, Завхан, Орхон, Хөвсгөл , Увс , Архангай, Өвөрхангай, Сэлэнгэ, Дархан-Уул, Төв, Дорнод, Хэнтий аймгийн олимпийн зөвлөл, цанын салбар холбоод, Алдар, Замчин, Хилчин, Сүлд спортын хороодод өвлийн спортыг хөгжүүлэх , цаашдаа Сочи-2014, Пёнчан-2018 өвлийн олимпод өрсөлдөх шинэ залуу авьяастныг илрүүлэх, өсөх ирээдүйтэй тамирчдыг бэлтгэн гаргах цана, зориулалтын гутлын хамт бэлэглэлээ. Монголын үндэсний олимпийн хороо ,  Монголын цанын холбоотой “Цанын спортыг төрөлжүүлэн орон нутагт хөгжүүлэх санамж бичиг”-т гарын үсэг зурсан бөгөөд аймаг дүүргийн олимпийн зөвлөл , цанын салбар холбоодтой  хамтран “Аваргыг аймагтаа бэлтгэе” хөтөлбөрийн хүрээнд энэхүү 20000 гаруй ам.долларын үнэ өртөг бүхий хос цана, бусад хэрэглэл материалын тусламжийг олгож байгаа юм. МҮОХ-ны дэд Ерөнхийлөгч Ц.Дамдин цана гардсан байгууллагуудад дараа дараагийн тэмцээн, уралдаандаа  амжилт гаргахыг хүсэн ерөөлөө.

 

Д.Өсөхбаяр уралдлаа

Хүүхдийн олимпийн анхдугаар наадамд оролцож буй манай хоёр дахь тамирчин Дандарын Өсөхбаяр өчигдөр уралдаанаа хийлээ. Эрэгтэйчүүдийн цуваа гараатай сонгомол төрлийн 10 км-ийн зайд уралдсан Төв аймгийн хүү хамгийн эхэнд гараанд гарсан бөгөөд 37:16,0 минутын амжилтаар 48 тамирчнаас 42-р байранд орсон байна. ОХУ-ын тамирчин Александр Селянинов (29:28,8 мин), Японы Кинтаро Ишикава (29:40,2), Казахстаны Сергей Малышев (29:57,5) амжилтаар эхний гурван байрыг эзэлжээ. Манай тамирчин ардаа Унгар, Австри, Армен, Кыргызстан, Аргентин, Грек улсын цаначдыг хийлээ.

Д.Өсөхбаяр орон нутгийн цагаар маргааш 1,2 км-ийн ойрын зайн чөлөөт уралдаанд (спринт) хурдаа сорино. Хүүхдийн өвлийн анхдугаар олимпийн наадам Зифельд Арена цогцолборт болж байгаа юм. (гэрэл зургийг МҮОХ-ны хамтрагч, ОУОХ-ны гэрэл зурагчин Ёо Нагаяа)

 

Тэмцээний дүн:http://www.olympic.mn/wp-content/uploads/2012/01/CCM010101_C73A_1.0.pdf

Бусад мэдээлэл: www.innsbruck2012.com

Монголын багийн фото цомог: http://www.facebook.com/media/set/?set=a.10150527979611768.398656.375064866767&type=1

Монголын үндэсний олимпийн хорооны фото цомог: http://www.facebook.com/olympicMongolia

С.МИЯАРАГЧАА Шигшмэл бөхчүүдээс дахин шилдэг нь боллоо

Казахстаны Алматы хотноо зохиогдсон жүдо бөхийн Мастерс тэмцээний эрэгтэйчүүдийн 66 кг-ын жинд монгол бөхчүүд түрүү булаацалдаж, энэ жинд дэлхийд өнгөлдөг гэдгээ батлан харууллаа. 2010 онд БНСУ-ын Сүвон хотноо болсон анхдугаар Мастерст С.Мияарагчаа түрүүлсэн бол өнгөрсөн жил Азербайжаны Бакуд зохиогдсон хоёр дахь тэмцээнд Х.Цагаанбаатар аваргалсан билээ. Ийнхүү жилийн турш үзүүлсэн амжилтаараа шигшигдсэн шилдэг 16 бөхийн тэмцээнд магнайлсан хоёр тамирчин маань хоёул гурав дахь удаагийн тэмцээний шигшээд шалгарч, хэн нь хошой аварга болохоо шийдсэн юм. Дотоодын тэмцээнүүдийн финалд өрсөлдөхийн зэрэгцээ олон улсын тавцанд ч шийдвэрлэх даваанд нэг бус удаа таарч байсан тэдний энэ удаагийн барилдаанд С.Мияарагчаа этэх мэхээр цэвэр ялсан. Read more

А.Энх-Ариун уралдааны салхийг хагаллаа

Залуучуудын өвлийн анхдугаар олимпийн наадмын эхний өдөр Монголын тамирчин, 15 настай тэшүүрчин охин А.Энх-Ариун нэгдүгээр гараанд, нэгдүгээр замаар, нэг номертой уралдлаа. Тэрбээр Беларусийн үе тэнгийн өрсөлдөгч Наталья Храмцоватай өрсөлдөж, түүний хурдыг арай гүйцээгүй ч нийт 16 тамирчнаас 14 байрт орж, ардаа ОХУ, Польшийн тэшүүрчдийг орхисон байна. А.Энх-Ариун Австрид ирэхээсээ өмнө Германы алдарт Инцельд сорилт тэмцээнд оролцож, хамтарсан бэлтгэлээ багш Д.Энхбаярын хамт базаасан юм.

Эмэгтэй, 500 м.

1.Жан Ми (БНСУ) 81,68 2 . Ш и Сяошуань (БНХАУ) 84,32 3.Мартин Брун (Норвег) 87,51 …14.А.Энх-Ариун (Монгол) 94,75

Олимпийн арав дахь эрхийг Н.Баяраа авлаа

Катарын нийслэл Доха хотноо буудлага спортын Азийн аварга шалгаруулах тэмцээн хоёр дахь өдрөө үргэлжлэн явагдлаа. Өнөөдөр манай урт бууны эрэгтэй баг онч мэргэнээ сорьж, багаараа хүрэл медаль хүртжээ. Ганцаарчилсан төрөлд ОУХМ Н.Баяраа шилдэг наймд шалгарснаар олимпийн эрхээ авлаа.

Ийнхүү Монгол улс “Лондон 2012” олимпийн наадмын арван эрх аваад байна. Буудлагын төрөлд өмнө нь Хөдөлмөрийн баатар О.Гүндэгмаа аваад байсан билээ.

ОУХМ Н.Баяраа нь С.Адилбиш багшийн шавь бөгөөд өнгөрсөн онд Хятадын Шеньжень хотноо болсон оюутны Универсиад наадмын багийн төрөлд мөнгөн медаль хүртсэн юм.

Буудлага спортын төрлөөр олимпийн эрх олгодог болсноос хойш эрэгтэй гар буугаар олимпийн эрх авсан анхны тохиолдол энэ болж байгаа бөгөөд өмнө нь ОУХМ З.Батхуяг эмэгтэйчүүдийн урт бууны төрлөөр олимпод өрсөлдөж байсан билээ.

П.Лхамдэгд, Г.Мандахнаран “Рио Тинто”-гийн элч боллоо

МҮОХ-ны алтан түнш “Рио Тинто” компани Азийн болон Дэлхийн цом, гран-при тэмцээний аварга, жүдо бөхийн ОУХМ П.Лхамдэгд, Азийн наадмын аварга, чөлөөт бөхийн ОУХМ Г.Мандахнаран нарыг Лондоны олимпийн элч тамирчнаараа зарлалаа. Ингэснээр дэлхийн уул уурхайн тэргүүлэгч групп энэ хоёр тамирчны бэлтгэл, витаминжуулалт, замын болон олимпийн үеэр гарах бүх зардлыг хариуцах ажээ.

Гэрээнд гарын үсэг зурах ёслолын үйл ажиллагаанд БТСГ-ын дарга Ч.Наранбаатар, МҮОХ-ны дэд ерөнхийлөгч Ц.Дамдин, Оюу Толгой ХХК -ийн ТУЗ-ийн дарга доктор Г.Батсүх, Ерөнхийлөгч бөгөөд Гүйцэтгэх Ерөнхий Захирал Камерон МакРей, Олон нийтийн мэдээлэл харилцааны дэд ерөнхийлөгч Дэвид Патерсон нар оролцсон юм. Өмнө нь Оюу толгой ХХК нь Хөдөлмөрийн баатар Х.Цагаанбаатарыг элч тамирчнаараа зарлаж, паралимпийнхантай мөн гэрээ байгуулаад байсан билээ.

Сочигийн олимпийн бэлтгэлээ “Скай ресорт”-д базаана

Засгийн газрын хэрэгжүүлэгч агентлаг Биеийн тамир, спортын газар, Монголын үндэсний олимпийн хороо, “Скай резорт” ХХК, Монголын цанын холбоо хамтран өвлийн спортыг хөгжүүлэх зорилготой “Сочи 2014” хөтөлбөрийг хэрэгжүүлэхээр болжээ. Уг хөтөлбөрийн гэрээг байгуулах арга хэмжээ өчигдөр Спортын төв ордонд болсон юм.

Ёслолын ажиллагаанд Эрүүл мэндийн сайд С.Ламбаа, БТСГын дарга Ч.Наранбаатар, МҮОХ-ны дэд ерөнхийлөгч Ц.Дамдин, “Скай резорт” ХХК-ийн гүйцэтгэх захирал А.Батсуурь, Монголын цанын холбооны ерөнхийлөгч, УИХ-ын гишүүн Р.Раш нар оролцож, гарын үсэг зурлаа.