Америк Бразилд нэг тэрбум доллараар туслана

Саяхан Бразилд айлчилсан АНУ-ын ерөнхийлөгч Барак Обама айлчлалын үеэр олимп болон хөлбөмбөгийн ДАШТ-д зориулж нэг тэрбус долларын хөрөнгө оруулалт хийх болсноо мэдэгджээ. Энэхүү мөнгө нь дэд бүтэц, барилга байгууламжинд зарцуулагдах гэнэ. Компаниудаар дамжуулан мөнгийг өгөх бөгөөд томоохон тэмцээнүүдээр хоёр орны эдийн засгийн харилцаа эрс сайжирна гэдэгт итгэлтэй байгаагаа АНУ-ын сангийн сайд мэдэгдсэн байна.

2016 оны олимпийн наадмыг зохион байгуулах эрхийн төлөө Рио де Жанейро хоттой Чикаго хот маш ширүүн өрсөлдөж ялагдал хүлээсэн билээ. Энэ үед Чикагогийн уугуул Обама гол сурталчилгааг хийж байсан юм.

“Рио 2016″ олимпийн наадмын лого

2010, 2011 он солигдох мөчтэй зэрэгцэн ОУОХ-ны ерөнхийлөгч Жак Рогге, “Рио 2016″ олимпийн наадмыг зохион байгуулах хорооны ерөнхийлөгч Карлос Артур Нузман, Бразилийн спортын сайд Орландо Силва, Рио хотын дарга Эдуардо Паэс нар Рио хотын үзэсгэлэнт далайн эрэг дээр “Рио-2016″ олимпийн наадмын логог албан ёсоор дэлхий нийтэд танилцууллаа.

Он солигдох мөчийг далайн эрэг дээр өнгөрөөж буй сая сая хүмүүс энэхүү дурсгалт үйл явдлын гэрч болсон юм.

Олимпийн наадмын логог Татил компани урласан аж. Энэхүү логог зохиохын төлөө 139 агентлаг саналаа хүргүүлсэн гэнэ. Үүнээс 8 агентлаг шалгарч тусгай комисс эцсийн дүнг гаргажээ.