2017-07-28

УЛААНБААТАР ХОТ 2023 ОНЫ ЗҮҮН АЗИЙН ЗАЛУУЧУУДЫН НААДМЫГ ЗОХИОН БАЙГУУЛАХ ЭРХИЙГ АВЛАА!



Зүүн азийн олимпийн холбооны гүйцэтгэх зөвлөлийн 35 дахь удаагийн хурал 7-р сарын 28-нд Тайваны Тайчунг хотод болж тус хурлаар Улаанбаатар хот 2023 оны зүүн азийн залуучуудын наадмыг зохион байгуулах эрхийг авлаа. Уг хуралд зүүн азийн олимпийн холбооны дэд ерөнхийлөгч Ян Шуан, Монгол улсаас Улаанбаатар хотын орлогч дарга Анхмаа, МҮОХ-ны ерөнхийлөгч Загдсүрэн нар оролцож зохион байгуулах гэрээг байгууллаа. Мөн тус хурлаар зүүн азийн олимпийн холбооны гүйцэтгэх зөвлөлийнхөн 2019 оны наадмын бэлтгэл ажилтай танилцсан байна. 

Зүүн азийн залуучуудын наадам нь өмнө нь зүүн азийн наадам нэртэйгээр 1993 оноос 2013 он хүртэл зохион байгуулагдсан бөгөөд 2019 оноос ''Зүүн азийн залуучуудын наадам'' нэртэй болсон. Өмнө нь энэхүү наадам 6 удаа зохион байгуулагдахад манай улсын баг тамирчид нийт 101 медалийг хүртэж байжээ. 

2019 оны наадам Тайваны Тайчунг хотод болох бөгөөд 9 орны баг тамирчид 14 төрлөөр өрсөлдөнө.

Холбоотой мэдээ



Олимпийн наадмууд-71




ОЛИМПИЙН ТҮНШ БАЙГУУЛЛАГУУД